Cwblhaodd Janine ei hyfforddiant nyrsio cyffredinol yn Ysbyty Athrofaol Cymru, Caerdydd ym 1994. Yn dilyn hyn gweithiodd ar y wardiau trawma ac mewn practis cyffredinol cyn arbenigo mewn iechyd menywod a iechyd rhywiol.

Yn 2008 sefydlodd Janine y Ganolfan Atgyfeirio Ymosodiadau Rhywiol (SARC) yng Nghaerdydd a'r Fro, gan ddatblygu gwasanaeth aml-asiantaeth i blant ac oedolion a oedd wedi profi trais rhywiol.

Yn 2012, ymgymerodd Janine â secondiad fel arweinydd polisi Llywodraeth Cymru ar gyfer y Bil 'Dileu trais yn erbyn menywod a cham-drin domestig' (Cymru) lle bu'n awdur y Papur Gwyn ar gyfer y ddeddfwriaeth arloesol yma cyn ymgymryd â'r swydd fel Rheolwr Trosedd Treisgar a Chyswllt Iechyd gyda Chomisiynydd Heddlu a Throseddu De Cymru.

Mae Janine bellach yn Gyfarwyddwr Rhaglen Iechyd Cyhoeddus a Phlismona yng Nghymru; rôl genedlaethol yn Iechyd Cyhoeddus Cymru sy'n arwain y bartneriaeth rhwng Iechyd Cyhoeddus, Plismona a Chyfiawnder Troseddol yng Nghymru, gyda chyfrifoldeb dros gyflwyno rhaglen ACE yr Heddlu a Phartneriaid, Camau Cynnar gyda'n Gilydd.

Mae'n parhau i gymryd diddordeb gweithredol mewn materion trais yn erbyn menywod ac mae'n nyrs gofrestredig ac yn ymarferydd ASA o hyd.

Yn 2016, enillodd wobr Nyrs y Flwyddyn RCN Cymru, Gwella Iechyd Unigol a Phoblogaeth. Mae Janine yn byw mewn tyddyn gyda'i gŵr a dau o blant ac amrywiaeth o anifeiliaid.

Dechreuodd gyrfa Sally mewn Rheoli Iechyd yr Amgylchedd cyn symud i'r sector dielw yn 2003 a dod yn Brif Weithredwr asiantaeth atgyweirio cartrefi.

Yn ddiweddarach cyflwynodd Sally wasanaethau ymgynghori rheoli i nifer o awdurdodau lleol gan gynnwys fel Rheolwr Tai'r Sector Preifat ar gyfer Bwrdeistref Brenhinol Kensington a Chelsea.

Yn 2010 dychwelodd i'r sector elusennol, gan weithio i'r Gwasanaeth Gwirfoddol Brenhinol am 6 mlynedd fel Pennaeth Gwasanaethau Cymru/De-orllewin Lloegr a Chyfarwyddwr Perfformiad Busnes.

Mae gan Sally radd MSc mewn Iechyd Cyhoeddus Cymwysedig ac ym mis Ionawr 2017, ymunodd Sally ag Iechyd Cyhoeddus Cymru i arwain Rhaglen Cymru Iach ar Waith ac yna ymunodd â Rhaglen Camau Cynnar gyda'n Gilydd - Plismona a Phartneriaid ACEs (Profiadau Niweidiol yn ystod Plentyndod) fel Rheolwr y Rhaglen Genedlaethol.

Cwblhaodd Jo ei hyfforddiant Nyrs Gyffredinol yn 1990 yn Ysbyty Glan Clwyd yng ngogledd Cymru ac wedi hynny, fe gymhwysodd fel bydwraig. Ym 1994, ymunodd â Heddlu Gogledd Cymru ac mae ganddi werth 24 mlynedd o wasanaeth. Treuliodd Jo ei gyrfa gychwynnol o fewn plismona lleol. Treuliodd y rhan fwyaf o'r 10 mlynedd diwethaf yn y maes ymchwiliol.

Am y pedair blynedd diwethaf, Jo oedd y Ditectif Uwch-arolygydd o fewn y Gwasanaethau Troseddau ac roedd yn arweinydd gweithredol a strategol ar gyfer yr Uned Diogelu Pobl Fregus yng ngogledd Cymru. Roedd yn allweddol wrth ddatblygu nifer o unedau arbenigol sydd o fewn y portffolio hwn, sy'n cynnwys tîm CSE a Thîm Ymchwilio Pedoffilydd Ar-lein (POLIT).

Ym mis Ionawr 2018, fe wnaeth Jo ymgymryd â swydd ar secondiad o fewn Iechyd Cyhoeddus Cymru fel arweinydd Heddlu Cenedlaethol o fewn y tîm rhaglen ACE Cenedlaethol.

Mae Dusty yn Arweinydd Partneriaeth Genedlaethol sy'n gweithio i Iechyd Cyhoeddus Cymru ar y Rhaglen Camau Cynnar gyda'n Gilydd; cydweithrediad ledled Cymru sy'n cyflwyno arfer sydd wedi ei hysbysu gan drawma i'r pedwar heddlu a'r asiantaethau cyfiawnder troseddol ehangach.

Mae hefyd yn darparu gwasanaeth ymgynghori a rheoli annibynnol, yn arbenigo mewn gwasanaethau ar gyfer pobl fregus.

Mae gan Dusty 17 mlynedd o brofiad yn gweithio yn y system cyfiawnder ieuenctid; yn gyntaf fel mentor gwirfoddol ac, yn fwyaf diweddar, chwe blynedd fel Cyfarwyddwr y BCI yng Nghymru.

Roedd yn gyfrifol am oruchwylio cenedlaethol y system cyfiawnder ieuenctid cymunedol, cytundebau a chomisiynu'r ystâd ddiogel i blant, cysylltiadau â'r llywodraeth a datblygu arferion arloesol; gan gynnwys y prosiect Rheoli Achosion Uwch i brofi cymhwyso Timau Troseddau Ieuenctid wedi ei hysbysu gan drawma.

Cyn hyn, treuliodd dair blynedd fel Pennaeth Strategaeth Cyfiawnder Ieuenctid Llywodraeth Cymru; yn defnyddio profiad a gafodd mewn lleoliadau cyfiawnder ieuenctid gwirfoddol, ymarfer ac fel uwch reolwr ar lefel llunio polisi cenedlaethol.

Dr Michelle McManus yw'r Arweinydd Ymchwil Cenedlaethol ar gyfer Iechyd Cyhoeddus a Phlismona o fewn Iechyd Cyhoeddus Cymru, ynghyd ag arwain tîm gwerthuso mawr o fewn y rhaglen Camau Cynnar gyda'n Gilydd (rhaglen ACE yr Heddlu a Phartneriaid) mae hi hefyd yn ymwneud â nifer o brosiectau sy’n gysylltiedig â cham-drin domestig a rhywiol.

Cyn hynny, roedd yn Uwch Ddarlithydd gyda Phrifysgol Central Lancashire ac fe'i secondiwyd i Heddlu Swydd Gaerhirfryn am 2 flynedd fel eu Harweinydd Academaidd ar gyfer y Ganolfan Ymchwil ar Sail Tystiolaeth.

Mae hi wedi cyhoeddi amrywiaeth o erthyglau cyfnodolion gyda ffocws ar nodweddion a phatrymau troseddu o fewn mathau o droseddau megis troseddau rhywiol difrifol, cam-drin domestig a throseddau cyfundrefnol difrifol, ynghyd ag ymchwil o fewn gwneud penderfyniadau, prosesau a systemau'r heddlu. Cwblhaodd Michelle ei PhD yn 2012 gan archwilio ffactorau risg ar gyfer cam-drin plant yn rhywiol o fewn troseddu â delwedd anweddus o blant.

Helpodd ei hymchwil doethuriaeth i greu KIRAT (Teclyn Asesu Risg Rhyngrwyd Kent), sef offeryn rheoli risg/newyddion diweddaraf i'w ddefnyddio gan yr heddlu i asesu'r risg o gam-drin cyswllt yn yr unigolion hynny sy'n cael gafael ar ddelweddau anweddus o blant. Cafodd hyn ei gyflwyno at ddefnydd cenedlaethol gan CEOP yn 2012 i holl heddluoedd y DU.